ვიდეო, რომელშიც მოცეკვავე გოგონას ცეცხლი წაეკიდა, დადგმული აღმოჩნდა - პალიტრა ვიდეო

რამდენიმე დღის წინ ინტერნეტსივრცეში პოპულარული გახდა ვიდეო, სადაც ასახულია მოცეკვავე გოგონა, რომელსაც მოუხერხებელი ილეთი ძვირად დაუჯდა და ცეცხლის ალში გაეხვა.

Youtube-ზე ვიდეომ მილიონობით ნახვა დააგროვა და ცნობილმა ტელეკომპანიებმა: Fox-მა, CNN-მა, NBC-მ აჩვენეს თავიანთ ეთერში. თუმცა, როგორც აღმოჩნდა, ამერიკელმა შოუმენმა ჯიმი კიმელიმ ყველა გააბრიყვა.

"ეს ვიდეო 2 თვის წინ გადავიღეთ და Youtube-ზე დავდეთ. არ გაგვიგზავნია არც ერთი ტელეარხისთვის და არც "ტვიტერში" გამოგვიქვეყნებია, უბრალოდ, Youtube-ზე დავდეთ და დაველოდეთ. საოცრება მოხდა: ვიდეო ვირუსულად იქცა და 1 კვირაში 9 მილიონი ნახვა დააგროვა", - ამბობს კიმელი.

რაც შეეხება ვიდეოს გმირ გოგონას, რომელიც ცეცხლის ალში გაეხვა, იგი კასკადიორი დაფნი ავალონია.