ბუდაპეშტში ”ლეგოს” ყველაზე მაღალი კოშკი ააგეს
უნგრეთში გინესის ახალი მსოფლიო რეკორდი დამყარდა - ბუდაპეშტში, წმინდა სტეფანის ბაზილიკის მოპირდაპირე მხარეს მსოფლიოში ”ლეგოს” ყველაზე მაღალი კოშკი ააგეს. 36-მეტრიან კონსტრუქციას ”ლეგოს” დანიელ კონსტრუქტორებთან ერთად სკოლების მოსწავლეები ოთხი დღის განმავლობაში აშენებდნენ. მათი მიზანი შეერთებულ შტატებში აშენებული 34-მეტრიანი კოშკის რეკორდის მოხსნა იყო. უნგრული რეკორდის დამყარებას გინესის მსოფლიო რეკორდების კომპანიის ოფიციალური წარმომადგენლებიც ესწრებოდნენ.