ზურა მანჯავიძე ოთარ რამიშვილის სათვალითა და გიტარით "ნამდვილი" ოთარ რამიშვილია
"იმედის" გასართობ შოუში "ერთი ერთში" მაყურებელი მომღერალ ზურა მანჯავიძის საოცარი გარდასახვის მომსწრე გახდა. იგი თბილისის კოლორიტად ცნობილ, ყველასთვის საყვარელ მომღერალ ოთარ რამიშვილად გარდაისახა. მანამდე ზურა მანჯავიძე რამიშვილების ოჯახში იმყოფებოდა, სადაც ბატონი ოთარის ვაჟმა მას მამის სათვალე და გიტარა გადასცა. სწორედ ამ ნივთებითა და შესანიშნავი გრიმით გამოვიდა სცენაზე ზურა მანჯავიძე და, ბუნებრივია, ჟიურის დადებითი შეფასება დაიმსახურა.