ბათუმის ზოოპარკში თეთრ პონს ანომალიურ კბილებზე ოპერაცია ჩაუტარდა
ბათუმის ზოოპარკში თეთრ პონს, სახელად შავთვალას, ოპერაცია ჩაუტარდა. ვეტერინარმა ცხოველს უკანა საღეჭი კბილების ანომალია დაუდგინა. პონის გადაგვარებული კბილები ეხებოდა ტუჩის ლორწოვან გარსს, რამაც ლოყის ტრავმა და წყლულები გამოიწვია. ბათუმის ზოოპარკმა ოპერაციის ჩასატარებლად სპეციალისტი დედაქალაქიდან მიიწვია. თბილისის იპოდრომის ვეტერინარმა გიორგი აფციაურმა ხუთი წლის შავთვალას გადაგვარებული კბილები დაუქლიბა და შემდგომი მკურნალობისთვის სავლებები და ანტიბიოტიკები დაუნიშნა.