პუშკინის ქუჩაზე 12 წლის ბავშვმა ავტობუსს გადაურბინა და მანქანას შეეჯახა
12 წლის გოგონას, რომელიც რამდენიმე საათის წინ ავტოსაგზაო შემთხვევის დროს დაშავდა, ამ წუთებში გამოკვლევები უტარდება. ექიმების ინფორმაციით, ბავშვის მდგომარეობა დამაკმაყოფილებელია და მას სერიოზული დაზიანებები არ მიუღია. უბედური შემთხვევა თბილისის ცენტრში, პუშკინის ქუჩაზე მოხდა. არსებული ინფორმაციით, ბავშვი ქუჩაში მოწყალებას ითხოვდა. მან ერთ-ერთ ტურისტს ნივთი წაართვა და ცდილობდა ადგილიდან მიმალვას. გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც მოძრაობის უსაფრთხოების ან ექსპლუატაციის წესის დარღვევას გულისხმობს. ავტომობილი, რომელსაც ბავშვი შეეჯახა ესპერტიზაზე გადაიყვანეს. ექსკლუზიურ კადრებს "კურიერი" ავრცელებს.