უახლესი ინფორმაცია სომხეთიდან, სადაც კოვიდინფიცირებულთა რაოდენობამ 11 221-ს მიაღწია - პალიტრა ვიდეო

სომხეთში ბოლო 24 საათში კორონავირუსისგან 6 პაციენტი გარდაიცვალა და დაღუპულთა საერთო რაოდენობა 176-მდე გაიზარდა, - ამის შესახებ ინფორმაციას სომხეთის დაავადების კონტროლისა და პრევენციის ცენტრი ავრცელებს.

მათივე ინფორმაციით, ქვეყანაში კოვიდინფიცირების 697 ახალი შემთხვევა დადასტურდა და დაინციფირებულთა რიცხვმა 11 221-ს მიაღწია.

გამოჯანმრთელებულების რაოდენობა ბოლო დღე-ღამის განმავლობაში 14-ით გაიზარდა, რაც იმას ნიშნავს, რომ ამ დროისთვის ქვეყანაში კორონავირუსისგან 3 468 პაციენტია გამოჯანმრთელებული.