რა ხდება ტყიბულში, სადაც მეშახტეები გაიფიცნენ და პროტესტის ნიშნად შახტიდან არ ამოდიან?
ტყიბულში ძიძიგურის შახტის მეშახტეები გაიფიცნენ. პროტესტის ნიშნად, მეშახტეები შახტიდან არ ამოდიან. მეშახტეთა პირველადი პროფკავშირების წარმომადგენლის, ონისე საპანაძის თქმით, ძიძიგურის შახტის N4 ნახშირმომპოვებელი უბნის 11 მეშახტე სამუშაოს დასრულების შემდეგ შახტიდან ამოსვლაზე უარს აცხადებს. მისივე თქმით, ისინი მიმდინარე თვის ხელფასის დაკლებას აპროტესტებენ და მათი მოთხოვნაა გონივრული ხელფასის დარიცხვა.