მსოფლიოში კორონავირუსით ინფიცირების რეკორდული მაჩვენებელი დაფიქსირდა - პალიტრა ვიდეო

მსოფლიოში კორონავირუსის 3.1 მილიონზე მეტი შემთხვევა დაფიქსირდა, რაც რეკორდული მაჩვენებელია.

ბოლო 24 საათში მსოფლიოში კორონავირუსის 3.1 მილიონზე მეტი შემთხვევა დაფიქსირდა, რაც რეკორდული მაჩვენებელია. შესაბამის ინფორმაციას პლატფორმა Worldometers-ი ავრცელებს.

პანდემიის დაწყების დროიდან მსოფლიოში კორონავირუსით ინფიცირებულთა საერთო რაოდენობამ 317 მილიონს გადააჭარბა. კოვიდ 19-ს დღემდე 5.53 მილიონზე მეტი ადამიანი ემსხვერპლა.

ვირუსისგან განკურნებულების რაოდენობა 262 მილიონს შეადგენს. მსოფლიოში ამჟამად ინფიცირების 49 მილიონზე მეტი აქტიური შემთხვევა ფიქსირდება, რაც ასევე რეკორდული მაჩვენებელია.