“სიტყვებით ვერ გადმოგცემთ, რას ვგრძნობ!.. არა ომს! დილის 7 საათიდან ვტირი, მეშინია“ - რას წერენ უკრაინის მოვლენებზე რუსი შოუმენები და იქ მოღვაწე ქართველი ხელოვანები
“დილიდან ვარ კონტაქტზე მეგობრებთან და ნათესავებთან უკრაინაში. სიტყვებით ვერ გადმოგცემთ, რას ვგრძნობ! ეს ყველაფერი როგორ შეიძლება? ომს გამართლება არ შეიძლება ჰქონდეს! არა ომს!“ - წერს მაქსიმ გალკინი "ინსტაგრამზე". მის პათოსს შოუს პოპულარული წამყვანი ივან ურგანტიც იზიარებს:
“შიში და ტკივილი. არა ომს“ - წერს ურგანტი.
ვრცელი მიმართვა გამოაქვეყნა ქსენია სობჩაკმაც:
“ჩვენ, რუსებს, კიდევ ბევრი წელი მოგვიწევს ჩვენი ქმედებების გამო გამოწვეულ შედეგებში გარკვევა. ახლა მე მხოლოდ ყველაზე საშინელ სცენარებს დავიჯერებ.“ - წერს ქსენია სობჩაკი.
"ყველა ხუმრობა დასრულდა... უკრაინასთან ომი დაიწყო. დილის 7 საათიდან ვტირი. მეშინია... ჩემი სათაყვანებელი მეგობრები კიევიდან, ოდესიდან, ლვოვიდან, დნიპროდან, ხარკოვიდან, ივანო-ფრანკოვსკიდან, ჩერნივციიდან, ზაპოროჟიედან, პოლტავიდან... ბევრი მყავს, ვაღმერთებ და არც ერთი ძალა არ მაიძულებს თქვენ მტრებად აღგიქვათ.
თქვენ ჩემი მეგობრები ხართ და იქნებით. არ მაქვს ძალა, რომ ვთქვა ქართული სადღეგრძელო... ჯობია, წმინდა ნიკოლოზ საკვირველმოქმედის ხატს მივმართო და ძმათამკვლელი ომის შეწყვეტა ვეხვეწო. უნდა ვიჯდე მოსკოვის ავტობუსის გაჩერებაზე და დაველოდო ამ სიგიჟის დასასრულს. საშინელებაა!" - წერს რუსეთში მოღვაწე თეონა კონტრიძე.
"ომი არ უნდა იყოს..." - ამ შინაარსით აქვეყნებენ სოციალურ ქსელში ფოტოებს რუსეთში მოღვაწე ქართველი მომღერლები ქეთა თოფურია და გიგა კვენეტაძე.
"ხალხს მშვიდობა უნდა", - წერს სოციალურ ქსელში რუსეთში მოღვაწე ქართველი ბალერონი ნიკოლოზ ცისკარიძე.
წყარო: ambebi.ge