ნახეთ, ვინაა ის 13 ევროპარლამენტარი, რომლებმაც ხმა არ მისცეს უკრაინისთვის ევროკავშირის წევრობის სტატუსის მინიჭებას

2022-03-02 21:30:16+04:00

13 ევროპარლამენტარი, რომლებმაც ხმა არ მისცეს უკრაინისთვის ევროკავშირის წევრობის სტატუსის მინიჭებას:

1. ნიდერლანდებიდან მარსელ დე გრაფი (იდენტობისა და დემოკრატიის ჯგუფი, მემარჯვენე)

2. იტალიიდან ფრანჩესკა დონატო (დამოუკიდებელი, მემარჯვენე)

3. საბერძნეთიდან იოანის ლაგოსი (დამოუკიდებელი, მემარჯვენე)

4. საბერძნეთიდან ლეფტერის ნიკოლაუ-ალავანოსი (საბერძნეთის კომუნისტური პარტია, მემარცხენე)

5. საბერძნეთიდან კოსტას პაპადაკისი (საბერძნეთის კომუნისტური პარტია, მემარცხენე)

6. ირლანდიიდან კლერ დალი ირლანდიელი (დამოუკიდებლები ცვლილებებისთვის, მემარცხენე)

7. ირლანდიიდან მიკ უოლესი (დამოუკიდებლები ცვლილებებისთვის, მემარცხენე)

8. გერმანიიდან ოზლემ დემირელი (მემარცხენე)

9. გერმანიიდან მარტინ შირდევანი (მემარცხენე)

10. პორტუგალიიდან სანდრა პერეირა (პორტუგალიის კომუნისტური პარტია, მემარცხენე)

11. პორტუგალიიდან პიმენტა ლოპესი (პორტუგალიის კომუნისტური პარტია, მემარცხენე)

12. ესპანეთიდან ურბან კრესპო ესპანელი (ანტიკაპიტალისტები, მემარცხენე)

13. ლატვიიდან ტატიანა ჟდანოკა (უმცირესობის ინტერესები)

ცნობისთვის, ევროპარლამენტმა მხარი დაუჭირა რეზოლუციას, რომელიც მოუწოდებს ევროკავშირის ინსტიტუტებს, იმუშაონ უკრაინისთვის ევროკავშირის კანდიდატის სტატუსის მინიჭებისთვის, რითაც აღიარებენ უკრაინის ევროპულ პერსპექტივას.

შესაბამის დოკუმენტს, სახელწოდებით „რუსული აგრესია უკრაინის წინააღმდეგ“, კენჭი უყარეს პარლამენტის რიგგარეშე სხდომის ფარგლებში, რომელიც მოწვეული იყო უკრაინის წინააღმდეგ რუსეთის აგრესიის გამო. ხმა მისცა 676-მა, მათგან 637-მა მხარი დაუჭირა, წინააღმდეგი - 13, თავი შეიკავა 26-მა.