"მართლა გაუსაძლისია უკვე!" - რას წერს ნინი ბადურაშვილი თბილისში საავტომობილო მოძრაობაზე?
"არ ვიცი, ბოლოს დროს კიდევ უფრო რატომ დამძიმდა თბილისში მოძრაობა და საცობის ხარისხი, მაგრამ ფაქტია, რომ ამ პატარა ქალაქში უკვე შეუძლებელია დღის ნებისმიერ მონაკვეთში თავისუფლად გადაადგილება!" - ამის შესახებ მომღერალი ნინი ბადურაშვილი სოციალურ ქსელში წერს.
მისი თქმით, ძალიან კარგი იქნება, თუ ქალაქში საპატრულო დაარეგულირებს საავტომობილო მოძრაობას და არა ჭკვიანი შუქნიშნები.
"შუქნიშნები კიდევ უფრო ხელს უწყობს სიტუაციის დამძიმებას!
ძალიან კარგი იქნება, თუ მთელ ქალაქში საპატრულო დაარეგულირებს ამ საგიჟეთს და არა ვითომ ჭკვიანი შუქნიშნები!
მართლა გაუსაძლისია უკვე!" - წერს ბადურაშვილი.