"ბოლო 10 წლის განმავლობაში ასეთი რამ არ ყოფილა, რაც არის წელს" - ივანე ჩხაიძე 5 წლამდე ასაკის ბავშვების მშობლებს თხოვნით მიმართავს
სოციალურ ქსელში მშობლები აქტიურად განიხილავენ მოზარდებში გახშირებულ ავადმყოფობას. უმეტეს შემთხვევაში სიმპტომები ერთმანეთს ჰგავს: მაღალი ტემპერატურა, სუნთქვის გაძნელება და გამონაყარი მთელ სხეულზე. შესაბამისად, ჩნდება კითხვა, არის თუ არა ეს ქუნთრუშას არაკლასიკური შემთხვევა თუ სხვა უცნობი ვირუსული ინფექცია. როგორც იაშვილის კლინიკის სამედიცინო დირექტორი ივანე ჩხაიძე ამბობს, რესპირატორული ვირუსების მატება ნამდვილად შეინიშნება.