ინფორმაცია მათთვის, ვისაც ამერიკაში წასვლა სურს - დღეს "მწვანე ბარათის" პროგრამაში რეგისტრაცია იწყება! ყველაფერი, რაც მონაწილეობისთვის უნდა იცოდეთ - პალიტრა ვიდეო

საქართველოში ამერიკის შეერთებული შტატების საელჩო "მწვანე ბარათის" რეგისტრაციისა და მონაწილეობისთვის აუცილებელ ინფორმაციასთან დაკავშირებით განცხადებას ავრცელებს.

"რეგისტრაცია იწყება 5 ოქტომბერს, 20:00 საათზე.

რეგისტრაცია დასრულდება 8 ნოემბერს, 20:00 საათზე.

რეგისტრაცია იყო და არის უფასო.

რეგისტრაცია ხდება მხოლოდ აქ: dvprogram.state.gov

თაღლითობის მაღალი რისკის გამო ნუ მიმართავთ დამხმარე ორგანიზაციებს.

რეგისტრაციისას მოგენიჭებათ უნიკალური კოდი, რომელიც უნდა შეინახოთ.

სტატუსის გაგებას შეძლებთ უნიკალური კოდის გამოყენებით 2023 წლის 6 მაისიდან იმავე ვებგვერდზე: dvprogram.state.gov

აშშ-ის მთავრობა არ გამოგიგზავნით სტატუსის შესახებ შეტყობინებას.

შერჩევის შემთხვევაში აშშ-ის მთავრობა არ უზრუნველყოფს რამე სახის პირად მომსახურებას, როგორიცაა მგზავრობის ხარჯები, საცხოვრებლის პოვნასა თუ დასაქმებაში დახმარება და სხვა.

მონაწილეობამდე აუცილებლად გაეცანით ინსტრუქციას: https://ge.usembassy.gov/.../immigrant.../diversity-visa-ka/" - ნათქვამია აშშ-ის საელჩოს მიერ გავრცელებულ ინფორმაციაში.