რუსკა მაყაშვილი დედის, თამარ მაყაშვილის გარშემო ატეხილ აჟიოტაჟს ეხმაურება
მსახიობი რუსკა მაყაშვილი დედის, თამარ მაყაშვილის მიერ ტელეკომპანია "იმედის" ეთერით გაკეთებულ განცხადებას ეხმაურება.
"დიახ, მეგობრებო, ყველა ვცდებით! დიახ, მეგობრებო, ბოდიშსაც ვიხდით. ბოდიში არასდროს არის გვიან. ვინც დედაჩემს იცნობს, ის ადამიანები მიხვდნენ ამ უწყინარ, უბოროტო ხუმრობას, თუმცა კი ბოდიში აუცილებლად მოსახდელი იყო და მოვიხადეთ! დიახ, მეგობრებო, ყველა ბავშვი გადასარევი და უნიკალურია! მიიღეთ ბოდიში" - წერს მაყაშვილი.
ცნობისთვის, მსახიობმა თამარ მაყაშვილმა ბოდიშის მოხდა მას შემდეგ გადაწყვიტა, რაც ორი დღის წინ "იმედზე", ერთ-ერთ გადაცემაში, "ხულოელი ბავშვი" დამაკნინებელ კონტექსტში მოიხსენია.