“მესამე დღეა ტემპერატურას ვერ ვუგდებ, 38-ზე მაღალი აქვს... დაბალი სიცხეებით დაეწყო, თან ახველებს“ - რომელი ტიპის ვირუსი არის საქართველოში გააქტიურებული და რა რეკომენდაციებს აძლევს ივანე ჩხაიძე მშობლებს?
სოციალურ ქსელში მშობლები აქტიურად განიხილავენ მოზარდებში გახშირებულ ავადმყოფობას. უმეტეს შემთხვევაში სიმპტომები ერთმანეთს ჰგავს, მაღალი ტემპერატურა, ყელისა და ყურის ტკივილი და გამონადენი ცხვირიდან. შესაბამისად, ჩნდება კითხვა, არის თუ არა საქართველოში ახალი ტიპის ვირუსი?
რესპირატორულ-სენსიტიური ვირუსი, ისევე, როგორც ადენოვირუსი და ნაზოფარინგიტი, ამ ეტაპზე საკმაოდ გავრცელებულია. სიმპტომები, რომლებზეც მშობლები საუბრობენ, გაციებაზე მიუთითებს. როგორც ჩხაიძე ამბობს, ზამთარში მოსალოდნელია სამი რთული ტიპის ვირუსის გავრცელება.