![[U21. ევრო 2025. მზადება] საქართველოს ახალგაზრდული ნაკრების პირველი ვარჯიში სლოვაკეთში [ჩვენი გუნდის...](/media/_rss/29/a7463effc3e15c871779ba5a81a50fbb.jpg "[U21. ევრო 2025. მზადება] საქართველოს ახალგაზრდული ნაკრების პირველი ვარჯიში სლოვაკეთში [ჩვენი გუნდის 23-კაციანი შემადგენლობა ნომრებით]")
თბილისის 45-ე საჯარო სკოლა სოციალურ ქსელში განხილვის თემად იქცა - "ასეთი რამ არცერთ სკოლაში არ მინახავს"
ბოლო რამდენიმე დღეა თბილისის 45-ე საჯარო სკოლა ყურადღების ცენტრში მოექცა. მიზეზი კი ახალი ბიბლიოთეკაა.
პედაგოგებმა პრემიაზე უარი თქვეს და მიზნად დაისახეს, ძველი, პატარა და უფერული ბიბლიოთეკა ახლით ჩაენაცვლებინათ. ამ იდეის გარშემო ერთობლივად გაერთიანდნენ და დღეს თავს ასეთი ლამაზი, დახვეწილი და მდიდარი ბიბლიოთეკით იწონებენ. ბიბლიოთეკაში მართლაც მყუდრო და სასიამოვნო გარემოა.
საპრემიო თანხის კეთილ საქმეში დახარჯვა არც ერთ პედაგოგს არ დანანებია. უფრო მეტიც, ყველა მასწავლებელი ჩაერთო ახალი ბიბლიოთეკის მოწყობაში და მის დიზაინზეც ერთად იზრუნეს. ბიბლიოთეკა კი ახალი წიგნებით მუდმივად ივსება.
ბიბლიოთეკამ ბავშვებს კიდევ უფრო მეტი სტიმული მისცა. აქ დღის განმავლობაში მუდმივად ხალხმრავლობაა. თავისუფალ დროს ბავშვები კითხულობენ და ერთმანეთს შთაბეჭდილებებს უზიარებენ.
ბიბლიოთეკაში მუდმივად ეწყობა სხვადასხვა აქტივობა, რომლებშიც მოსწავლეები ხალისით ერთვებიან.
მიუხედავად იმისა, რომ ამბავი მართლაც ამაღელვებელი და მასწავლებელთა საერთო გადაწყვეილება დასაფასებელია, სოციალურ ქსელში გამოჩნდნენ ნეგატიური კომენტარების ავტორებიც, რომლებმაც პედაგოგებისთვის გამოწერილი პრემია დაუჯერებელ ამბად მიიჩნიეს.
პედაგოგებს სიამაყის გრძნობა ეუფლებათ, როცა ხედავენ, რომ მოსწავლეებს წიგნების კითხვა შეაყვარეს და ამაში მათი დიდი წვლილიცაა.