ტრაგედია გია ბარამიძის ოჯახში - “18 წლის ახლახან გახდა; ბებიის თვალწინ გული წაუვიდა და ექიმების მცდელობის მიუხედავად, გარდაიცვალა“
პოლიტიკოს გია ბარამიძის უკრაინელი მეუღლის, ანა ფილიპჩუკას ქალიშვილი მოულოდნელად გარდაიცვალა. როგორც მოგვიანებით ბარამიძემ პოსტის კომენტირებისას დაწერა, მარია ტერეშჩენკო მოულოდნელად გახდა ცუდად, გული წაუვიდა და სასწრაფოს ექიმების დახმარების მიუხედავად, მისი გადარჩენა ვერ მოხერხდა.
"თანაგრძნობისთვის ყველას დიდი მადლობა, მეგობრებო! არ ვიცით, რა მოუვიდა ბავშვს (18 წლის ახლახან გახდა), ბებიის თვალწინ გული წაუვიდა და სასწრაფოს ექიმების მცდელობის მიუხედავად, გარდაიცვალა. მიზეზებს გერმანიის შესაბამისი მხარის (სადაც ცხოვრობდნენ და მარიას უმაღლესში უნდა ესწავლა) სისხლის სამართლის საქმეთა პოლიცია იძიებს. უტარდება ექსპერტიზა და (როგორც გვითხრეს) პასუხი უახლოეს კვირაში უნდა გვქონდეს. კიდევ ერთხელ ყველას უღრმესი მადლობა!" - წერს ბარამიძე.