"კრიზისმა პარტიის ყველა რგოლი მოიცვა" - თბილისის საკრებულოს ფრაქცია "ნაციონალური მოძრაობის" წევრები მოითხოვენ, 2024 წლის არჩევნებამდე პარტიაში თავმჯდომარის პოზიცია გაუქმდეს
თბილისის მუნიციპალიტეტის საკრებულოს ფრაქციის, „ერთიანი ნაციონალური მოძრაობის“ წევრები ითხოვენ, „ნაციონალური მოძრაობის“ მენეჯმენტმა აიღოს პოლიტიკური პასუხისმგებლობა, „გადამწყვეტ არჩევნებამდე გაუქმდეს თავმჯდომარის პოზიცია და პარიტეტულ საწყისებზე შეიქმნას დროებითი მმართველი ორგანო“.
ამის შესახებ საკრებულოს წევრების განცხადება სამოქალაქო გაერთიანება „ძალა ერთობაშიას“ „ფეისბუქგვერდზე" გავრცელდა.