თემურ ქეცბაია შოთა არველაძესთან ერთად გადაღებულ ვიდეოს აქვეყნებს - "ჩემი ოჯახის წევრები ჩამოვიყვანე საქართველოში 10 წლის შემდეგ, ვეხვეწებოდი ხოლმე და არ მომყვებოდნენ..."
საქართველოში ახალი საფეხბურთო პროექტი "ლეგენდების სერია" იწყება. პირველი მატჩი 2024 წლის მარტში, ბათუმში გაიმართება. საქართველოს "ლეგენდების გუნდი" მილანის "ინტერის" "ლეგენდების გუნდს" დაუპირისპირდება.
ჩვენი გუნდის შემადგენლობაში ითამაშებენ: შოთა არველაძე, ლევან კობიაშვილი, გიორგი ქინქლაძე და თემურ ქეცბაია. "ინტერის" ლეგენდების გუნდში კი – ლუიშ ფიგუ, ხავიერ ძანეტი, მარკო მატერაცი და ესტებან კამბიასო.
აღნიშნულის შესახებ თემურ ქეცბაია სოციალურ ქსელში ვიდეოს აქვეყნებს, რომელშიც მომავალ მატჩზე შოთა არველაძესთან ერთად საუბრობს.
"თუ რამე აკლია საქართველოს, თბილისს, ეს ფეხბურთია. სხვა ყველაფერი გვაქვს, ამდენი ტურისტი ჩამოდის და აქაურობა ისე მოსწონს, იმაზე ოცნებობს, კიდევ როდის ჩამოვა აქეთ. ახლახან მე ჩემი ოჯახის წევრები ჩამოვიყვანე საქართველოში, 10 წლის შემდეგ. მანამდე ვეხვეწებოდი ხოლმე და არ მომყვებოდნენ. ახლა რომ ნახეს, როგორ არის აქაურობა შეცვლილი, შინ სულ ამაზე გვაქვს ლაპარაკი, ამბობენ, როდის წავიდეთ უკანო..." - ამბობს თემურ ქეცბაია.