დატოვებს თუ არა ირაკლი კობახიძის ცოლი სახელმწიფო უწყების ხელმძღვანელის პოსტს ახალი მთავრობის დამტკიცების შემდეგ? - ირაკლი კობახიძის პასუხი
"არავითარი ინტერესთა კონფლიქტი არ იქნება. კანონმდებლობაც ითვალისწინებს შესაბამის ზომებს, თუმცა, რომც არ ითვალისწინებდეს, რა თქმა უნდა, გამოირიცხებოდა ყველანაირად, ფორმალურად თუ არაფორმალურად" - ამის შესახებ პრემიერმინისტრობის კანდიდატმა ირაკლი კობახიძემ მეუღლის შესახებ დასმული კითხვის საპასუხოდ ჟურნალისტებს განუცხადა.
ცნობისთვის, ირაკლი კობახიძის ცოლი ნატალია მოწონელიძე სსიპ "საჯარო და კერძო თანამშრომლობის სააგენტოს" ხელმძღვანელობს, რომელიც საქართველოს პრემიერ-მინისტრთან არის ანგარიშვალდებული.
სააგენტო 2018 წლის 5 სექტემბერს შექმნა მთავრობამ. ნატალია მოწონელიძე კი სააგენტოში 2019 წლიდან მუშაობს.