![[VIDEO] ვისაც სუსტი გული გაქვთ... მუსიალას უმძიმესი ტრავმა და სეზონი რისკის ქვეშ!](/media/_rss/29/1fa3e6b5144548da3a5a37148b5c0b2a.jpg "[VIDEO] ვისაც სუსტი გული გაქვთ... მუსიალას უმძიმესი ტრავმა და სეზონი რისკის ქვეშ!")
![[ინტერვიუ] სანდრო იაშვილი: "ფინანსების პრობლემა ადრეც იყო, მაგრამ ჩვენზე მდიდარ გუნდებს ვუგებდით"...](/media/_rss/29/33ce6e44c0645ade082a8f15a6f128ed.jpg "[ინტერვიუ] სანდრო იაშვილი: \"ფინანსების პრობლემა ადრეც იყო, მაგრამ ჩვენზე მდიდარ გუნდებს ვუგებდით\"...")
ბიძინა ივანიშვილი სამძიმრის წერილს აქვეყნებს - "ფასდაუდებელია მისი წვლილი... ღრმა მწუხარებას გამოვთქვამ ლევან თედიაშვილის გარდაცვალების გამო"
"ლევან თედიაშვილი მუდამ იქნება მომავალი თაობისთვის მისაბაძი პიროვნება" - "ქართული ოცნების" საპატიო თავმჯდომარე ბიძინა ივანიშვილი მოჭდავე ლევან თედიაშვილის გარდაცვალების გამო მწუხარებას გამოთქვამს.
ივანიშვილის სამძიმრის წერილს "ქართული ოცნება" ავრცელებს:
"ღრმა მწუხარებას გამოვთქვამ ლეგენდარული ქართველი სპორტსმენის, ლევან თედიაშვილის გარდაცვალების გამო.
ბატონი ლევანი იყო ოლიმპიური თამაშების ორგზის, მსოფლიოს ოთხგზის და ევროპის სამგზის ჩემპიონი - საქართველოს ისტორიაში ერთ-ერთი ყველაზე ტიტულოვანი სპორტსმენი.
ფასდაუდებელია მისი წვლილი ქართული ჭიდაობის განვითარებისა და პოპულარიზაციის საქმეში.
არა მხოლოდ თავისი სპორტული მიღწევებით, არამედ პიროვნული თვისებებით, ლევან თედიაშვილი მუდამ იქნება მომავალი თაობისთვის მისაბაძი პიროვნება.
ვუსამძიმრებ სახელოვანი სპორტსმენის, ყველა დროის საუკეთესო მოჭიდავეთა დიდების დარბაზის წევრის ოჯახს, ახლობლებს, სპორტულ სამყაროსა და მთელს ქართულ საზოგადოებას"...