ნანკა კალატოზიშვილი ყიფშიძეების გარშემო ატეხილ სკანდალს ეხმაურება - "არ შეიძლება ყველა მხრიდან წნეხში იყოს... როგორი მართლებიც არ უნდა იყოთ, აუცილებლად ატკენთ მას გულს..."
მსახიობი ნანკა კალატოზიშვილი ყიფშიძეების გარშემო ატეხილ სკანდალს სოციალურ ქსელში ეხმაურება.
"მისთვის ოჯახის წევრებთან მსგავსი, მარტივად რომ ვთქვა, უთანხმოება, დარწმუნებული ვარ, პირველად მოხდა. სიგიჟემდე უყვარს მამაც და ბაბუაც. ამიტომ ყველა, ვინც ოდნავ მაინც სცემთ ამ მებრძოლ და ულამაზეს გოგოს პატივს, მინიმუმ, ამის გამო შეიკავეთ თავი.
არ მგონია, მისთვის საყვარელი ადამიანების ლანძღვით მას აძლიერებდეთ. თან მისივე გვერდზე. როგორი მართლებიც უნდა იყოთ, აუცილებლად ატკენთ მას გულს. არ შეიძლება ყველა მხრიდან წნეხში იყოს.
ნატალია ყიფშიძე, ძალიან მიყვარხარ, მეამაყები და შენი თაობა აუცილებლად იცხოვრებს ისეთ ქვეყანაში, რომლისთვისაც იბრძვის" - წერს ნანკა კალატოზიშვილი.
ცნობისთვის, "TV პირველის" ეთერში ნატალია ყიფშიძის გამოთქმულ მოსაზრებას მისი ბაბუა ზურა ყიფშიძე გამოეხმაურა:
"ვაი მე! სადა ბანაობ? შვილო! შე ვირიშვილო, ვინ კამათობს იმაზე, რასაც ამბობ? ცოტა გაერკვიეთ? გაახილეთ თვალები და დაცქვიტეთ ყურუშკები!? შენ, ჩვენი თაობის, მუსიკის მოყვარული!? საოცარია? ასე ვინ დაგაბოლათ? ნაღვლიანად ვარ! სამწუხაროა!?"
ნატალიამ ზურა ყიფშიძის კომენტარის პასუხად კი დაწერა:
"მეც ნაღვლიანად ვარ, ბა. მოგეწერა ან დაგერეკა, ასე თუ შეგტკივა გული. მეც არ გეთანხმები, მაგრამ არ მოგმართავ განსაკუთრებით სახალხოდ. სამწუხაროა ნამდვილად".