![[VIDEO] აბა, წავიდა წრეში ბურთი!.. საქართველოს ნაკრებმა ამხანაგური მატჩებისთვის მზადება დაიწყო...](/media/_rss/29/ce83478adf561c0dee5bf6d3f5104113.jpg "[VIDEO] აბა, წავიდა წრეში ბურთი!.. საქართველოს ნაკრებმა ამხანაგური მატჩებისთვის მზადება დაიწყო...")
![[ინტერვიუ] გიორგი გაგუა: "ესპანეთში ხელი არ შემიწყვეს, ხორვატიაში კი ყველანაირად მეხმარებიან და ახლა...](/media/_rss/29/f96eb9b99c202f805d2d6fab02638db7.jpg "[ინტერვიუ] გიორგი გაგუა: \"ესპანეთში ხელი არ შემიწყვეს, ხორვატიაში კი ყველანაირად მეხმარებიან და ახლა უფრო თავდაჯერებული ვარ\"...")
"ცივი იარაღით სასიკვდილო დაზიანება მიაყენა" - ხონში ურთიერთშელაპარაკების ნიადაგზე კაცი მოკლეს
ხონში, ასხის მთაზე, ურთიერთშელაპარაკების ნიადაგზე, კაცი მოკლეს. როგორც შსს-ში აცხადებენ, აღნიშნულ მკვლელობასთან დაკავშირებით დაკავებულია ერთი პირი.
გამოძიება განზრახ მკვლელობის ბრალდებით მიმდინარეობს, რომელიც 10-დან 15 წლამდე ვადით თავისუფლების აღკვეთას ითვალისწინებს.
„პოლიციამ იმერეთში მომხდარი განზრახ მკვლელობის ბრალდებით ერთი პირი ცხელ კვალზე დააკავა.
შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, გატარებული ოპერატიული ღონისძიებებისა და საგამოძიებო მოქმედებების შედეგად, განზრახ მკვლელობის ბრალდებით, 1976 წელს დაბადებული მ.ჯ. დააკავეს.
დანაშაული 10-დან 15 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა ხონის მუნიციპალიტეტში, ურთიერთშელაპარაკების ნიადაგზე, 1990 წელს დაბადებულ თ.ფ.-ს ცივი იარაღით სასიკვდილო დაზიანება მიაყენა.
ჩატარებული საგამოძიებო მოქმედებების შედეგად, სამართალდამცველებმა ბრალდებული ცხელ კვალზე დააკავეს.
განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს“, - აღნიშნულია შსს-ს მიერ გავრცელებულ ინფორმაციაში.