"დაღუპულია 20 წლამდე ბიჭი" - ცოტა ხნის წინ ქობულეთში ავტოსაგზაო შემთხვევა მოხდა
ქობულეთში, ავტოსაგზაო შემთხვევას ახალგაზრდა კაცის სიცოცხლე ემსხვერპლა. შემთხვევა ცოტა ხნის წინ, ქალაქის ტერიტორიაზე მოხდა.
AJARATIMES.GE-ის ინფორმაციით, დაღუპულია 20 წლამდე ბიჭი. ავტოსაგზაო შემთხვევის დროს დაშავდა ერთი ადამიანი, რომელიც მძიმე ტრავმებით სასწრაფო სამედიცინო დახმარების ჯგუფმა კლინიკაში გადაიყვანა.
ფაქტზე შინაგან საქმეთა სამინისტრომ გამოძიება სსკ 276-ე მუხლით დაიწყო.