"ეს შეთავაზება ძალაში შევა დღევანდელი გადაწყვეტილების შემდეგ" - ჯანდაცვის მინისტრი კლინიკებს მიმართავს
მთავრობის გადაწყვეტილებით, თუ კლინიკა კოვიდის პერიოდში დაგროვებული დავალიანების 25%-ს ბიუჯეტში გადაიხდის, ის დარჩენილი თანხისგან სრულად გათავისუფლდება.
ამის შესახებ ჯანდაცვის მინისტრმა, მიხეილ სარჯველაძემ მთავრობის სხდომის დასრულების შემდეგ განაცხადა.
მისივე თქმით, გადაწყვეტილება ძალაში დღეიდან შევა და კლინიკებს ამ საკითხის მოსაწესრიგებლად დრო მიეცემათ.