"მნიშვნელოვანია, რომ ხელისუფლებამ ტრადიციული ღირებულებების დაცვისთვის სასიკეთო, გაბედული ნაბიჯები გადადგა, ვგულისხმობ კანონს სოდომური ცოდვის პროპაგანდის წინააღმდეგ..." - მეუფე შიო
ძალიან მნიშვნელოვანია, რომ ჩვენმა ხელისუფლებამ ტრადიციული ღირებულებების დაცვის მიმართულებით ძალიან სასიკეთო და ქმედითი, გაბედული ნაბიჯები გადადგა. ვგულისხმობ, შარშან მიღებულ კანონს სოდომური ცოდვის პროპაგანდის წინააღმდეგ და ასევე, გენდერული იდენტობის ცნების ამოღებას კანონებიდან, - ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, მეუფე შიომ (მუჯირი) ოჯახის სიწმინდის დღესთან დაკავშირებით ქაშვეთის ეკლესიაში ქადაგების დროს განაცხადა.
მეუფე შიომ აღნიშნული კანონის მიღების გამო ხელისუფლების წარმომადგენლებს მადლობა გადაუხადა.