"უცნობმა შეიარაღებულმა პირმა იმ დროს ესროლა, როცა შვილები სკოლაში მიჰყავდა" - რა არის ცნობილი ვიქტორ იანუკოვიჩის ყოფილ თანაშემწეზე, რომელიც მადრიდში მოკლეს
ესპანეთის დედაქალაქ მადრიდში, ამერიკული სკოლის წინ უცნობმა შეიარაღებულმა პირმა ყოფილი უკრაინელი პოლიტიკოსი ანდრეი პორტნოვი მოკლა, - ინფორმაციას Reuters-ი ავრცელებს.
პორტნოვი უკრაინის ყოფილი პრეზიდენტის, ვიქტორ იანუკოვიჩის უფროსი თანაშემწე იყო.
რადიოსადგურ Cadena SER-ის ცნობით, მამაკაცს მაშინ ესროლეს, როდესაც შვილები სკოლაში მიჰყავდა.
პორტნოვის დაღუპვის შესახებ ინფორმაციას უკრაინული მედიაც ადასტურებს.