"როგორ იქცევით ბიჭო?!" -რა ხდება ამ წუთებში საქალაქო სასამართლოში, სადაც ზურაბ ჯაფარიძის პროცესი უნდა დაიწყოს? - პალიტრა ვიდეო

ამ წუთებში თბილისის საქალაქო სასამართლოში, სადაც პარლამენტის დროებით საგამოძიებო კომისიაზე გამოუცხადებლობის გამო, ზურაბ ჯაფარიძის სასამართლო პროცესი უნდა გაიმართოს, ხმაურია. პროცესი 15:00 საათზე უნდა დაწყებულიყო, თუმცა ამ დრომდე არ დაწყებულა. პოლიტიკოსის მხარდამჭერები სასამართლო დარბაზის შეცვლას ითხოვენ.

ზურაბ ჯაფარიძე მის დაკავებას არ გამორიცხავს.

ცნობისთვის, ოპოზიციონერ პოლიტიკოსს სასამართლომ საგამოძიებო კომისიაზე გამოუცხადებლობის გამო, 20 000-ლარიანი გირაო 16 აპრილს შეუფარდა. ჯაფარიძემ აღნიშნული თანხის გადახდაზე უარი თქვა.

შეგახსენებთ, გადაუხდელობის გამო, სასამართლომ გირაო პატიმრობით შეუცვალა თავდაცვის ყოფილ მინისტრს, ირაკლი ოქრუაშვილს. ის სხდომათა დარბაზშივე 14 მაისს დააკავეს.