"ოჯახს ესაუბრა გამომძიებელი და უთხრა, რომ საქმე უნდა დაეხურათ, რადგან მკვლელი არის 13 წლის" - ავარიას შეწირული 31 წლის შაკო შარაბიძის მეგობარი მიმართვას ავრცელებს
მიმდინარე წლის 10 მაისს, გლდანში, ავტოსაგზაო შემთხვევის დროს დაღუპული კურიერის, 31 წლის შაკო შარაბიძის მეგობარი ნინო ბარამიძე სოციალურ ქსელში მიმართვას ავრცელებს.
ნინო ბარამიძის თქმით, მანქანას, რომელიც 31 წლის ახალგაზრდას დაეჯახა, 13 წლის მოზარდი მართავდა და როგორც გამომძიებელი ამბობს, ამის გამო საქმე უნდა დაიხუროს.
"მაქსიმალურად გავავრცელოთ პოსტი, რომ მიაღწიოს 13 წლის მკვლელთან და მის ოჯახთან.13 წლის მკვლელმა, როგორც იცით, რამდენიმე დღის წინ, ჩემი მეგობარი შაკო შარაბიძე მოკლა.
დღეს შაკოს ოჯახს ესაუბრა გამომძიებელი და უთხრა, რომ საქმე უნდა დაეხურათ, რადგან მკვლელი არის 13 წლის.
დღეს შაკოს ოჯახმა უყურა ჩანაწერებს, სადაც ჩანს 13 წლის ნაგავმა, გაუზრდელმა მკვლელმა, თავის გართობას როგორი ბიჭის სიცოცხლე შესწირა.
ანუ ხვალ შეიძლება ისევ იგივე გააკეთოს მკვლელმა და ისევ ვინმეს სიცოხლე წაართვას.
შაკოს მკვლელის სახელი და გვარი და ფოტო მომაწოდა ოჯახმა და რადგან არასრულწლოვანი ყოფილა კანონი მე დამსჯის ამის გამო და მკვლელმა, რომელმაც ახალგაზრდა მეგობარი მომიკლა, ის დაუსჯელი უნდა დარჩეს.
მკვლელის ოჯახიდან არცერთს არ ეყოთ იმის გამბედაობა, გარდაცვლილის ოჯახთან გასულიყო კონტაქტზე.
რა აზრი აქვს, რომელიმე თქვენთაგანის სიცოცხლეს? მკვლელებო!
თვითგვემას მიეცით თქვენი თავები, მკვლელმაც და მათი ოჯახის წევრებმაც. ქუჩაში არ გახვიდეთ!
ვიბრძოლებთ, იქნებ, რამე შევძლოთ.
ყველას გთხოვთ დახმარებას, იქნებ დაგვეხმაროთ, არსებობდეს რაიმე მექანიზმი, რომ ასე არ დაიხუროს საქმე, ასე არ შერჩეს მკვლელს ჩემი შაკოს სიცოცხლე.
ტარიელ კაკაბაძე უძლიერესი ადვოკატი ხარ, იქნებ გვაპოვნინო რაიმე გზა" - წერს ნინო ბარამიძე.