ავჭალაში, მოტოციკლისა და მსუბუქი ავტომობილის მძღოლი ერთმანეთს შეეჯახნენ - ადგილზე პოლიციაა მობილიზებული
ავჭალაში, ლიბანის ქუჩაზე, მოტოციკლისა და მსუბუქი ავტომობილის მძღოლი ერთმანეთს შეეჯახნენ.
გავრცელებული ინფორმაციით, შემთხვევის შედეგად მოტოციკლეტის მძღოლი მძიმედ დაშავდა.
ადგილზე იმყოფება საპატრულო პოლიციისა და მეხანძრე-მაშველების ჯგუფები.
როგორც შინაგან საქმეთა სამინისტროში "რუსთავი 2-ს" განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო საშუალების მოძრაობის ან უსაფრთხოების წესის დარღვევას გულისხმობს.