რას წერს ნიკა მელიას ცოლი, პოლიტიკოსის დაკავების შემდეგ?
გვიან ღამით, ლისის ტბის ასახვევთან "კოალიცია ცვლილებისთვის" ერთ-ერთი ლიდერი ნიკა მელია დააკავეს. ინფორმაცია ამის შესახებ კოალიციის პრესსამსახურმა გაავრცელა. მელია სატელევიზიო გადაცემაში - „ორ ცეცხლს შუა“ - მონაწილეობის მიზნით მიემართებოდა.
როგორც კოალიციის პრესსამსახურის წარმომადგენელი მირანდა ბაღათურია ამბობს, მისი ავტომობილი საპატრულო პოლიციამ გააჩერა, ხოლო მალევე ადგილზე დაახლოებით 100-მდე სამოქალაქო ფორმაში ჩაცმული პირი, მათ შორის კრიმინალური პოლიციის წარმომადგენლები, გამოჩნდნენ. დაცვის წევრებს წაართვეს ტელეფონები, ამოიღეს ჩიპები და გადააგდეს. მელია ძალის გამოყენებით ავტომობილიდან გადმოიყვანეს და სამარშრუტო ტაქსით წაიყვანეს.
შინაგან საქმეთა სამინისტროს ცნობით, ნიკა მელია დაკავებულია ადმინისტრაციულ სამართალდარღვევათა კოდექსის 173-ე მუხლით, რაც გულისხმობს სამართალდამცავთა სიტყვიერ ან/და სხვაგვარ შეურაცხმყოფელ ქმედებას მათი სამსახურებრივი მოვალეობის შესრულებისას.
დაკავებამ დიდი ვნებათაღელვა გამოიწვია პოლიტიკურ წრეებში და ნიკა მელიას ოჯახში. ეკა ხერხეულიძემ და მაიკო ბეგიაშვილმა, მელიას მეუღლემ, მომხდარს სოციალურ ქსელში ემოციურად გამოეხმაურნენ.
ეკა ხერხეულიძემ მაიკო ბეგიაშვილს სოციალურ ქსელში სოლიდარობა გამოუცხადა. ხერხეულიძემ აღნიშნა – "ესეც გაივლის და ყველაფერი მაგრად იქნება", ხოლო ბეგიაშვილმა ხუმრობით მიუწერა: "გელამ გამტაცა ქმარი".
ნიკა მელიას პირადი ცხოვრების მიმართ მედიის ინტერესიც ყოველთვის დიდი იყო. მისი და მაიკო ბეგიაშვილის ურთიერთობა 2014 წლიდან დაიწყო.
მათ ჰყავთ საერთო შვილი - ალექსანდრე. მაიკო ბეგიაშვილი ნიკაზე 8 წლით უფროსია და წლების განმავლობაში სახელმწიფო სტრუქტურებში მუშაობდა. წარსულში დაქორწინებული იყო და ჰყავს უფროსი ვაჟი. ოფიციალური ქორწინება მელიასთან დღემდე არ დაუდასტურებიათ.