უკრაინამ რუსეთის ოთხ აეროდრომს დაარტყა -რას წეეს უკრაინული მედია - პალიტრა ვიდეო

უკრაინის უსაფრთხოების სამსახურმა (SBU) დღეს რუსეთის ფედერაციის ოთხ სამხედრო აეროდრომს ერთდროულად შეუტია, - ინფორმაციას უკრაინული მედია სპეცსამსახურების წარმომადგენლებზე დაყრდნობით ავრცელებს.

მათივე ინფორმაციით, თვითმფრინავები ამჟამად ბელაიას, დიაგილევოს, ოლენიას და ივანოვოს აეროდრომებზე იწვის.

„მალუკის (უკრაინის უსაფრთხოების სამსახურის ხელმძღვანელი) წყალობით, რუსეთის ფედერაციამ გაიგო სიტყვა „დემილიტარიზაციის“ ნამდვილი მნიშვნელობა“, - აღნიშნა წყარომ მედიასთან საუბარში.

გავრცელებული ინფორმაციით, დაზიანებულია 40-ზე მეტი თვითმფრინავი, მათ შორის A-50, Tu-95 და Tu-22 M3 ტიპის თვითმფრინავები.

წინასწარი მონაცემებით, შეტევის შედეგად რუსეთის ავიაციის 2 მილიარდ დოლარზე მეტი ღირებულების ზარალი მიადგა.