"არ ვარ სახლში, მანქანაში ვარ - მურუსიძემ ხო გასწვლათ ლექსები ხოხბებზე, ახლა მე გასწავლით ერბოზე და ქონზე - ეგება "პრანკერი" ხართ და მაღადავებთ" - თამარ ჩერგოლეიშვილი აქვეყნებს ვიდეოს სატელეფონო საუბრის, სადაც მას სასამართლოში იბარებენ
"ნებისმიერი ადამიანი შეიძლება იბრალებდეს გარი კასპაროვობასაც და მოსამართლის თანაშემწეობასაც. გაურკვეველი პიროვნება მირეკავს ჩემი შვილის ტელეფონზე და მეუბნება, რომ წულუკიანის და მდინარაძის "შეურაცხყოფისთვის" სასამართლოში უნდა გამოვცხადდე - ისე, რომ ჩემს ტელეფონზე ესემესიც კი არ მომსვლია, არათუ ოფიციალური წერილი, რომ გავერკვე საერთოდ რაზე მიბარებენ.აქედან გამომდინარე, ველოდები ოფიციალურ წერილს," - ამის შესახებ სოციალურ ქსელში "ფედერალისტების" ლიდერი თამარ ჩერგოლეიშვილი წერს და ამსახველ ვიდეოს ავრცელებს.