უმძიმესი კადრები, რომლებიც თვითმფრინავის ჩამოვარდნის მომენტშია გადაღებული: ბორტზე 200-ზე მეტი ადამიანი იმყოფებოდა - რეისი ინდოეთიდან ლონდონის მიმართულებით ხორციელდებოდა
ინდოეთში სამგზავრო თვითმფრინავი ჩამოვარდა, რომლის ბორტზეც 200-ზე მეტი ადამიანი იმყოფებოდა, - ამის შესახებ ინფორმაციას სააგენტო Reuters-ი ავრცელებს.
Reuters-ის ცნობით, ავიაკომპანია Air India-ს თვითმფრინავი დასავლეთ ინდოეთში, ქალაქ აჰმედაბადის აეროპორტთან ახლოს ჩამოვარდა.
სამგზავრო თვითმფრინავი ლონდონის გატვიკის აეროპორტში მიფრინავდა.
ადგილობრივი მედიის ცნობით, თვითმფრინავმა კატასტროფა აფრენისას განიცადა.
ინდური გამოცემა ANI News-ის ინფორმაციით, თვითმფრინავის ბორტზე სულ 242 ადამიანი იმყოფებოდა.