ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია! - პალიტრა ვიდეო

უნგრეთის დედაქალაქ ბუდაპეშტში მსოფლიო ჩემპიონატზე შერეულ გუნდურ შეჯიბრებაში, საქართველოს ძიუდოისტთა ნაკრები ოქროს მედლის გამარჯვებული გახდა. საქართველოს ნაკრებმა ფინალში სამხრეთ კორეა 4:1 დაამარცხა.

ფი­ნალ­ში ას­პა­რე­ზობ­დნენ: გუ­რამ თუ­შიშ­ვი­ლი, ეთერ ლი­პარ­ტე­ლი­ა­ნი, მა­რი­ამ ჭან­ტუ­რია, მი­ხე­ილ ბახ­ბა­ხაშ­ვი­ლი, ლაშა ბე­ქა­უ­რი და სო­ფიო სომ­ხიშ­ვი­ლი.

ორ­თაბ­რძო­ლე­ბი მო­ი­გეს: ეთერ ლი­პარ­ტე­ლი­ან­მა (იპო­ნით), მა­რია ჭან­ტუ­რი­ამ, მი­ხე­ილ ბახ­ბა­ხაშ­ვილ­მა და ლაშა ბე­ქა­ურ­მა (იპო­ნით).

მერვედფინალში ჩვენმა სპორტსმენებმა ჩინეთი 4:1 დაამარცხეს, მეოთხედფინალში კი იტალიას 4:0 სძლიეს და ნახევარფინალში ტურნირის მოქმედი გამარჯვებული იაპონია 4:2 დაამარცხეს. აღსანიშნავია, რომ იაპონიას მსოფლიო ჩემპიონატის გუნდურ შეჯიბრებაში 2018 წლის შემდეგ არ წაუგია.

შეგახსენებთ, რომ მსოფლიო ჩემპიონატზე ინდივიდუალური ასპარეზობა ქართველმა ძიუდოისტებმა ოთხი მედლით დაასრულეს: ეთერ ლიპარტელიანმა (57 კგ) ოქროს მედალი მოიპოვა, ტატო გრიგალაშვილი (81 კგ) ტურნირის ვიცე-ჩემპიონი გახდა, ლუკა მაისურაძე (90კგ) ბრინჯაოს მედალს დაეუფლა, გურამ თუშიშვილი (+100 კგ) ვერცხლის მედალს.