"შავი ყუთის" ჩანაწერები გაიშიფრა: გამომძიებლებმა პილოტების ბოლო საუბრის აუდიოჩანაწერი გაასაჯაროვეს - რა გახდა Air India-ს თვითმფრინავის ჩამოვარდნის მიზეზი, რის გამოც 260 ადამიანი დაიღუპა?
ინდოეთში, Air India-ს თვითმფრინავის კატასტროფის მიზეზი საწვავის მიწოდების შეწყვეტა გახდა. ამის შესახებ ინფორმაციას CNN ინდოეთის ავიაკატასტროფების გამოძიების ბიუროს წინასწარ ანგარიშშზე დაყრდნობით ავრცელებს.
გაიშიფრა თვითმფრინავის "შავი ყუთის" მონაცემები, მათ შორის, აუდიოჩანაწერი პილოტების კაბინიდან.
ჩანაწერში, ერთ-ერთი პილოტი ეკითხება მეორეს, თუ რატომ გათიშა საწვავის მიწოდება, რაზეც ის პასუხობს, რომ ეს მას არ გაუკეთებია.
არსებული ინფრომაციით, საწვავის ორივე გადამრთველი მოულოდნელად "გათიშვის“ პოზიციაზე გადავიდა, რამაც სიმძლავრის სრული დაკარგვა გამოიწვია. არ არის ცნობილი, თუ რა გახდა ჩამრთველების გადაწევის მიზეზი.
ავარიამდე რამდენიმე წამით ადრე, ჩანაწერში ისმის ერთ-ერთი პილოტის საგანგაშო სიგნალი: "MAYDAY, MAYDAY, MAYDAY."
ცნობისთვის, 12 ივნისს, სამგზავრო თვითმფრინავი, რომელიც ინდოეთიდან ლონდონში მიფირნავდა, აფრენიდან მალევე დასახლებულ პუნქტში ჩამოვარდა და სტუდენტების საერთო საცხოვრებელს შეეჯახა, რის შედეგადაც 260 ადამიანი დაიღუპა.