"მთელი დღეა ისეთი ადუღებული დავდივარ! სადმე რომ შემხვდეს, თავს მოვაწყვიტავ! ღმერთო, გთხოვ, ეგ კაცი სადმე მოფარებულში შემახვედრე... 15 წუთით მინდა, მეტით არა"- ალეკო ელისაშვილი დავით რაზმაძეზე - პალიტრა ვიდეო

"მთელი დღეა ისეთი ადუღებული დავდივარ! არაკაცია! სადმე რომ შემხვდეს, თავს მოვაწყვიტავ! ღმერთო გთხოვ, ეგ კაცი სადმე მოფარებულში შემხვედრე, 15 წუთით მინდა, მეტით არა"- განაცხადა ალეკო ელისაშვილმა "TV პირველის" ეთერში დავით რაზმაძეზე საუბრისას.

ინფორმაციისთვის, გორის საკრებულოს თავმჯდომარემ, დავით რაზმაძემ გამოცემა The New York Times-თან ინტერვიუში განაცხადა: „რუსები აქ, როგორც მშვიდობისმყოფელები შემოვიდნენ და მადლობა ღმერთს, რომ შემოვიდნენ, ვინაიდან, მიშას ხულიგნები მთელ ქალაქს ძარცვავდნენ“. რაზმაძის ინტერვიუ ამერიკული გამოცემის საქართველოს შესახებ ვრცელი სტატიის ნაწილია, სათაურით - “ როგორც დავიდა საქართველო დემოკრატიის ავანგარდიდან ავტოკრატიის წინა ხაზამდე”. The New York Times წერს, რომ ინტერვიუში გორის საკრებულოს თავმჯდომარემ 2008 წლის აგვისტოს რუსეთის აგრესია საქართველოს მესამე პრეზიდენტს, მიხეილ სააკაშვილს დააბრალა.

ასევე იხილეთ: რას ამბობს გორის საკრებულოს თავმჯდომარე მის გარშემო ატეხილ აჟიოტაჟზე? - "ნაძირალა კაცი, რომელმაც ჩემგან ინტერვიუ აიღო, აღმოჩნდა ფაქტობრივად სააკაშვილის და მაგ ნაძირალების ადვოკატი"

გორის საკრებულოში ფრაქცია „ნაციონალური მოძრაობის“ ინფორმაციით, გორის საკრებულოს თავმჯდომარის, დავით რაზმაძის იმპიჩმენტის სამართლებრივ პროცედურებს იწყებენ