გაფრთხილება ამინდის შესახებ! - როდემდე შენარჩუნდება წვიმიანი ამინდები საქართველოში?
გარემოს ეროვნული სააგენტოს ინფორმაციით, საქართველოში, 9 სექტემბრიდან 14 სექტემბრამდე, კვლავ დროგამოშვებით წვიმა და ელჭექია მოსალოდნელი, ზოგან კი, ძლიერი, შესაძლებელია სეტყვა.
მათივე ინფორმაციით, მოსალოდნელმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო).