თბილისის 116-ე საჯარო სკოლაში სასწავლო პროცესი შეწყდა - მოზარდებს და პედაგოგებს შენობა დაატოვებინეს
"tv პირველის" ინფორმაციით, თბილისის 116-ე საჯარო სკოლაში სასწავლო პროცესი შეწყდა - მოზარდებს და პედაგოგებს შენობა დაატოვებინეს.
სკოლის შენობაში ადმინისტრაციის წარმომადგენლების და მშობლების შეხვედრა მიმდინარეობს.
მანამდე კი მშობლებს უთხრეს, რომ 116-ე სკოლიდან ბავშვები სხვადასხვა მიმდებარე სკოლებში გადანაწილდებიან, ივლიან ავტობუსებით და ასე მოახერხებენ მოსწავლეები სწავლის გაგრძელებას.
სკოლის ხელმძღვანელობა ამბობს, რომ მიზეზი სამხარაულის დასკვნაა, რომლის მიხედვითაც, შენობა ავარიულია და დემონტაჟს ექვემდებარება.