ნაპოვნია თურქეთის მოქალაქის ცხედარი - რას ამბობენ შსს-ში, მარნეულის მუნიციპალიტეტის სოფელ საბირქენდში, ტყეში ნაპოვნ გვამზე
მარნეულის მუნიციპალიტეტის სოფელ საბირქენდში, ტყეში ცეცხლსასროლი იარაღით მოკლული პირის ცხედარი იპოვეს. ინფორმაციას ადგილობრივი მედია ავრცელებს.
მათი ცნობით, მოკლული თურქეთის მოქალაქეა.
როგორც „პრაიმტაიმს“ შინაგან საქმეთა სამინისტროში უთხრეს, მომხდართან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.