კადრები თელავიდან, სადაც ხანძარი გაჩნდა
თელავში, ძველი სამხედრო აეროპორტის ტერიტორიაზე ხანძარი გაჩნდა. გამოცემის "მთავარი ამბები კახეთიდან" ცნობით, ცეცხლი ბალახს უკიდია.
არსებული ინფორმაციით, შემთხვევის ადგილზე მობილიზებულია საგანგებო სიტუაციების მართვის სამსახურის შესაბამისი დანაყოფები, თუმცა ძლიერი ქარის გამო ხანძრის ქრობის სამუშაოები გართულებულია.
"როგორც ცნობილია, ცეცხლი თავდაპირველად ჩააქრეს, თუმცა მოგვიანებით ხანძარი ხელახლა გაჩნდა.
ამ დროისთვის უცნობია აალების მიზეზი და დამწვარი ტერიტორიის ფართობი" - ნათქვამია გამოცემის "მთავარი ამბები კახეთიდან" მიერ გავრცელებულ ინფორმაციაში.