"ეს არის უდიდესი პრობლემა! წარმოუდგენელია ასე გაგრძელება! მინდა, დავავალო ვიცე-მერს, მივიღოთ კატეგორიული ზომები, ამას არ გავატარებთ" - კახა კალაძის მიმართვა
დედაქალაქის მერის კახა კალაძის განცხადებით, მიუხედავად იმისა, რომ ბოლო წლებში შენობა-ნაგებობების უსაფრთხოების კუთხით კანონმდებლობა გამკაცრდა და ამოქმედდა არაერთი რეგულაცია, სახანძრო უსაფრთხოების მიმართულებით, დარღვევები კვლავ ფიქსირდება.
როგორც მან თბილისის მუნიციპალიტეტის მთავრობის სხდომაზე განმარტა, შენობის ექსპლუატაციაში მიღების შემდეგ, ზოგიერთი სამშენებლო კომპანია სახანძრო უსაფრთხოების სისტემის დემონტაჟს ახდენს, რაც მუნიციპალიტეტისთვის კატეგორიულად მიუღებელია.