"საკეისრო კვეთით იმშობიარა... ბოლო რამდენიმე დღე ცუდად იყო" - რას ამბობენ ქუთაისში 20 წლის გოგოზე, რომელიც მშობიარობიდან 2 კვირაში დაიღუპა?
ქუთაისში, მშობიარობიდან ორ კვირაში 20 წლის გოგო - ლიკა ტალახაძე გარდაიცვალა.
ახალგაზრდა ქალმა საკეისრო კვეთით იმშობიარა. ჯერჯერობით უცნობია, რა გახდა ზუსტად გარდაცვალების მიზეზი.
ადგილობრივი მედიის, KutaisiToday.ge-ს ცნობით, გუშინ ლიკა ტალახაძის ცხედარი ექსპერტიზის ჩასატარებლად ქუთაისში, ლევან სამხარაულის სახელობის სასამართლო ექსპერტიზის ეროვნული ბიუროში გადაიყვანეს.
გამოცემამ სოციალურ ქსელში კადრებიც გაავრცელა - ადგილზე გოგონას ოჯახის წევრები და ახლობლები იყვნენ შეკრებილები.
"ყველაფერს ვიფიქრებდი და ვერასოდეს ვიფიქრებდი შენზე წარსულში ლაპარაკს ჩვენო ლიკუნა, ჩვენო ფერია გოგო. როგორ გაგვანადგურე დღეს ყველა. არ ვიცი სიტყვები არ მაქვს, ეს რა ტკივილია. მეკითხებიან ვინ იყო შენიო - შენ ჩემი ფიქროს მულისშვილი არ ხარ მარტო, თქვენ ყველა ჩემი ოჯახის წევრები ხართ. უფალს ებარებოდე ჩვენო ანგელოზო, გული მომიკალი. თქვენი ტკივილი მტკივა ჩემო ძვირფასებო, აქ სიტყვას ძალა აღარ აქვს უკვე...
ბოლო რამდენიმე დღე ცუდად იყო. გუშინ კლინიკაში დაიღუპა...
რამდენი მოგონება დამიტოვე… გული ძალიან მატკინე, არვიცი, რა ვთქვა, არ მინდა დაჯერება… ბოლო წამამდე ერთმანეთს ვაჯერებდით, რომ ტყუილი იყო. გაგვანადგურე ლიკუუ… არ იმსახურებდი შენ ასეთ დასასრულს და არც ჩვენი სადაქალო… ყველას უზომოდ მოგვენატრები…შენთან ერთად ჩვენც გაგვანადგურე...
ეს რა საშინელი ამბავი გავიგე, ვიზიარებ ამ დიდი ტკივილს...
ღმერთო, როგორი კარგი გოგოა, გული გამიჩერდა, რა საშინელებაა.. რა ხდება, რატომ გვტოვებს ასეთი ანგელოზებიიი ღმერთო...
ვიზიარებ, რა საშინელებაა, როგორი ანგელოზია, ღმერთო, გამძლეობა ოჯახს და ახლობლებს" - წერენ სოციალურ ქსელში დაღუპულის ახლობლები.