ავტოსაგზაო შემთხვევას 26 წლის ბიჭი ემსხვერპლა - ტრაგედიის დეტალები
ლაგოდეხის მუნიციპალიტეტში ავტოსაგზაო შემთხვევას 26 წლის ბიჭი ემსხვერპლა. შემთხვევა სოფელ ჭაბუკიანის მიმართულებით მიმავალ გზაზე მოხდა. ადგილობრივების თქმით, ახალგაზრდა Ford-ის მარკის მიკროავტობუსით გადაადგილდებოდა, რა დროსაც, სავარაუდოდ, საჭე ვერ დაიმორჩილა, მოცურდა და გზის სავალი ნაწილიდან გადავარდა.
ახალგაზრდა მამაკაცი თავის არეში მიყენებული ტრავმებით შემთხვევის ადგილზე გარდაიცვალა.
მომხდართან დაკავშირებით დაწყებულია გამოძიება.