"ხართ თუ არა გარიგებულები ექიმებთან? ექიმები ნიშნავენ თუ არა სპეციალურად წამლებს და იღებენ თუ არა ამისთვის შემოსავალს?"- ნინო წილოსანი "ჯი-ემ ფარმას" დირექტორს
სანამ სახელმწიფო რეფერენტულ ფასებს არ დააწესებდა, თქვენ ყიდდით ისეთ ფასებად მედიკამენტებს, რომლითაც ადამიანებს არ შეეძლოთ წამალი ეყიდათ. რეფერენტული ფასების შემდგომ, თქვენ ჩვეულებრივად მოერგეთ სიტუაციას, შესაძლებლობის ფარგლებში ჩამოწიეთ თქვენი მარჟა. ჯდება თუ არა ეს ბიზნესის რაიმე ეთიკაში - რაიმე არის, რაც “გატორმუზებთ“ იმისგან, რომ მოქალაქეებმა ასეთ კატასტროფულ თანხად არ იყიდონ წამალი? - ასე მიმართა ფასების რეგულირების საპარლამენტო კომისიის სხდომაზე, დეპუტატმა ნინო წილოსანმა GM ფარმას დირექტორს, გოჩა გოგილაშვილს.