"ევროპულ სკოლაში" მოხდა შემზარავი დანაშაული ჩემი შვილების მონაწილეობით, ვტირი, ვგლოვობ" - მარიამ კუკუნაშვილი
სუროგაციის ცენტრის NEW LIFE-ის დამფუძნებელი მარიამ კუკუნაშვილი "ფეისბუქის" პირად გვერდზე პოსტს აქვეყნებს და მისი შვილების მონაწილეობით "ევროპულ სკოლაში" მომხდარი შემზარავი დანაშაულის დეტალებს ჰყვება.
"ევროპულ სკოლაში" მოხდა შემზარავი დანაშაული ჩემი შვილების მონაწილეობით. 11 ბიჭი შევიდა საპირფარეშოში. გააკეთეს დერეფანი და იქ ერთი ბავშვი გაატარეს, რომელსაც ყველა ურტყამდა. დარტყმების შედეგად ბავშვი ვერ ინარჩუნებდა წონასწორობას, კანკალებდა, სხეულზე აღენიშნებოდა სილურჯეები, თვალები დაუსივდა და ტიროდა, მაგრამ დარტყმები გრძელდებოდა.
11-მა ორგანიზატორმა აღნიშნა, რომ ეს არის თამაში და ამ დერეფანში თავადაც გაუვლიათ…ვტირი, ვგლოვობ და ვიზიარებ მშობლების მწუხარებას ამ ენითაღუწერელი სადომაზოხიზმის, მოძალადე პატარა კაცობის, პერვერტობის, გაუნათლებლობის და მძიმე ტრავმად მიყენებული სამუდამო დაღისთვის…
ბოდიში და მადლობა "ევროპულ სკოლას" იმისათვის, რომ უფრო მძიმე უბედურებისგან გვიხსნეს. ასე ხომ არავინ იცის რა მოხდებოდა," - წერს მარიამ კუკუნაშვილი სოციალურ ქსელში.