საგანგებო ბრიფინგი სუს-ში - "დაკავებულია, მაღალ თანამდებობაზე დასაქმებული საჯარო მოხელე"
სუს-ის განცხადებით, ჯაშუშობის ბრალდებით ერთ-ერთი სახელმწიფო უწყების მაღალი თანამდებობის პირი დააკავეს - უწყებაში მისი ვინაობა არ დაუკონკრეტებიათ.
"ერთ-ერთ სახელმწიფო უწყებაში მაღალ თანამდებობაზე დასაქმებული საჯარო მოხელე ქვეყნის ინტერესების საწინააღმდეგოდ თავისი ამჟამინდელი სამსახურებრივი მდგომარეობის, წარსულში დაკავებული თანამდებობისა და სხვადასხვა უწყებაში არსებული პირადი კავშირების მეშვეობით უცხო ქვეყნის სპეცსამსახურების ინტერესების სასარგებლოდ სისტემურად ახორციელებდა ინფორმაციის მოპოვებას და მათთვის გადაცემას ," - განაცხადეს სუს-ში.