"აქ გარდაცვლილების ოჯახის წევრები იმყოფებიან, ამ წუთებში ადგილზე უმძიმესი ვითარებაა" - პირდაპირი ეთერი გარდაბანიდან, უმძიმესი ავარიის შედეგად, გარდაცვლილთა რიცხვი 7-მდე გაიზარდა
გარდაბანში ავტოსაგზაო შემთხვევის შედეგად დაღუპულთა რიცხვი შვიდამდე გაიზარდა, დაშავებულია კიდევ ერთი პირი, რომლის მდგომარეობაც მძიმეა. ავტოსაგზაო შემთხვევა გარდაბანში, სოფელ ბირლიკში დღეს მოხდა.
როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება 276-ე მუხლის მე-8 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
შემთხვევის ამსახველი ფოტო სოციალურ ქსელში ვრცელდება.
პირდაპირი ეთერი: "ინფო რუსთავი"