"18 წლისები არიან...ჩვენი ყოფილი მოსწავლეები, დღეს ადამიანებს აღარ ვგავართ დარდისგან" - ახალი დეტალები გარდაბანში მომხდარ საზარელ ავარიაზე
გარდაბანში ავტოსაგზაო შემთხვევის შედეგად დაღუპულთა რიცხვი შვიდამდე გაიზარდა, დაშავებულია კიდევ ერთი პირი, რომლის მდგომარეობაც მძიმეა. ავტოსაგზაო შემთხვევა გარდაბანში, სოფელ ბირლიკში დღეს მოხდა.
როგორც ambebi.ge -ს შინაგან საქმეთა სამინისტროში განუცხადეს, მომხდართან დაკავშირებით გამოძიება 276-ე მუხლის მე-8 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა. მათივე თქმით, მანქანაში 8 ადამიანი იჯდა.
არსებული ინფორმაციით, გარდაცვლილები 18 წლის ახალგაზრდები არიან. "ჩემი მეზობლები არიან, ჩვენ სახლთან მოხდა. გადაჭარბებული სიჩქარის გამო. ძალიან მოწესრიგებული ახალგაზრდები იყვნენ," - გვიყვება მეზობელი.

