"ერთი ავარია, 3 ახალგაზრდა სიცოცხლე..." - მარტვილში მომხდარი ავტოსაგზაო შემთხვევის შედეგად დაშავებული კიდევ ერთი მამაკაცი კლინიკაში გარდაიცვალა
🔻გამოიწერეთ ჩვენი YouTube არხი>>> https://www.youtube.com/@palitravideo
მარტვილში მომხდარი ავტოსაგზაო შემთხვევის შედეგად დაშავებული ახალგაზრდა მამაკაცი კლინიკაში გარდაიცვალა.
"კიდევ ერთი უმძიმესი ტრაგედია და კიდევ ერთი ახალგაზრდა სიცოცხლე, რომელიც ნაადრევად შეწყდა…
მარტვილში, სოფელ გაჭედილთან მომხდარი ავტოსაგზაო შემთხვევის შედეგად დაშავებული ბაჩო ჯანჯღავა, სამწუხაროდ, კლინიკაში გარდაიცვალა. ამავე ავარიამ იმსხვერპლა მისი მეგობრები ლევან ბერიშვილი და ნიკა ფაილოძე.
დღეს უმძიმესი დღეებია არა მხოლოდ მათი ოჯახებისთვის, ახლობლებისა და მეგობრებისთვის, არამედ მთელი სამეგრელოსთვის. სამი ახალგაზრდა ადამიანის დაკარგვა ტკივილია, რომლის გაზიარებაც სიტყვებით თითქმის შეუძლებელია. დარჩა შეწყვეტილი ოცნებები, აუხდენელი გეგმები და სიცარიელე, რომელსაც დრო ვერასოდეს შეავსებს.
ერთი ავარია, სამი ახალგაზრდა სიცოცხლე, სამი განადგურებული ოჯახი და სამი უდიდესი ტრაგედია. ტკივილი იმდენად მძიმეა, რომ სიტყვები მის გამოსახატავად უძლური ხდება. მშობლები შვილებს გლოვობენ, მეგობრები მეგობრებს, ხოლო მთელი საზოგადოება კიდევ ერთხელ დგას იმ სასტიკი რეალობის წინაშე, რომლის შეცვლაც უკვე შეუძლებელია.
რატომ, რატომ?!
ვუსამძიმრებ ბაჩოს, ლევანისა და ნიკას ოჯახებს, ნათესავებს, მეგობრებსა და ყველას, ვისაც მათი დაკარგვა გულთან ახლოს მიაქვს. უფალმა დაუმკვიდროს მათ ცათა სასუფეველი, ხოლო მათი ოჯახები ამ მძიმე განსაცდელში გააძლიეროს.
ნათელი მათ ხსოვნას." - წერს ბერდია კალანდია სოციალურ ქსელში.
ცნობისთვის, შემთხვევა რამდენიმე დღის წინ მოხდა, მსუბუქი ავტომობილი მაღაზიის შენობას დაეჯახა, დაშავებული მამაკაცი მძიმე ტრავმებით საავადმყოფოში გადაიყვანეს, თუმცა მისი გადარჩენა ვერ მოხერხდა.
ავარიის დროს, ადგილზე ორი ახალგაზრდა დაიღუპა და საბოლოოდ ტრაგიკულ შემთხვევას სამი მოქალაქის სიცოცხლე ემსხვერპლა.